Iċ-Ċentru jippubblika l-baġits tiegħu kollha, inkluż kwalunkwe baġit emendatorju, u l-kontijiet annwali fuq is-sit elettroniku tiegħu. Dan huwa f’konformità mal-prinċipju ta’ trasparenza, kif imfisser fl-Artikolu 31 tar-Regolament Finanzjarju taċ-Ċentru. Il-baġit taċ-Ċentru jinkludi informazzjoni dwar id-dħul u l-infiq imbassar għal sena partikolari, kif ukoll tqabbil ma’ snin preċedenti. Il-kontijiet annwali jinkludu d-dikjarazzjonijiet finanzjarji taċ-Ċentru u r-rapporti dwar l-implimentazzjoni tal-baġit taċ-Ċentru.